Nga këndvështrimi i zonave të mbrojtura, ky status rrit përgjegjësinë për një menaxhim të koordinuar ndërkufitar, monitorim të vazhdueshëm të biodiversitetit dhe përfshirje të komuniteteve vendore. Ai mbështet gjithashtu zhvillimin e turizmit të qëndrueshëm dhe të veprimtarive ekonomike që ruajnë vlerat natyrore të liqenit. Këto prioritete përputhen drejtpërdrejt me objektivat e projektit EU4Nature për forcimin e menaxhimit të zonave të mbrojtura dhe përafrimin me standardet evropiane të ruajtjes së natyrës.

Ndërkohë, Shqipëria, Greqia dhe Maqedonia e Veriut kanë nisur bashkëpunimin për përgatitjen e një kandidature të përbashkët të rajonit të Prespës për Listën e Trashëgimisë Botërore të UNESCO-s, si pasuri e përzier natyrore dhe kulturore. Procesi do të kërkojë dokumentacion të përbashkët shkencor, harta dhe një qasje të koordinuar menaxhimi, duke e vendosur përsëri bashkëpunimin ndërkufitar në qendër të mbrojtjes së natyrës.