Parku Natyror “Zagori”
VKM Nr.354, datë 02.05.2018, e ndryshuar
Sipërfaqja: 24,607.63 ha

Parku Natyror “Zagori” përfshin një peizazh të pasur dhe të larmishëm ekologjik, me habitatet mbizotëruese të shkurreve dhe bimësisë barishtore (49.7%), pyjeve (27.99%) dhe sipërfaqeve me vegjetacion të pakët (12.02%). Zona përmban gjithashtu kullota, toka bujqësore, ujëra sipërfaqësore dhe zona urbane të shpërndara në mënyrë të kufizuar. Struktura e ekosistemeve mbështet biodiversitet të konsiderueshëm dhe praktika tradicionale të qëndrueshme.

Parku ndahet në dy nënzona menaxhimi:

• Nënzona Qendrore (31.36% e sipërfaqes): përfshin pyje dhe habitate shkurresh me vlera të larta për trashëgiminë natyrore dhe biodiversitetin. Në këtë zonë zbatohet mbrojtje strikte; lejohen vetëm kërkimi shkencor dhe ekoturizmi i kontrolluar.
• Nënzona e Përdorimit Tradicional dhe Zhvillimit të Qëndrueshëm (68.64%): përfshin tokat bujqësore, kullotat dhe pjesë të habitateve ujore, ku lejohen aktivitete tradicionale si bujqësia, grumbullimi i bimëve mjekësore dhe kullotja, gjithnjë nën masa të kontrolluara që ruajnë integritetin ekologjik.

Parku administrohet nga Administrata e Zonave të Mbrojtura të Qarkut Gjirokastër.